إن هويتونا هويناكم
وبنتصبر لي جفيتونا
ما عرفنا اليأس وياكم
وين ما تسيرون تلقونا

مستحيل إن كان ننساكم
لو قصدتوا تهجرونا
نهجر الدنيا بلياكم
دونكم عمري فلا يكونا

نرخص الغالي لعيناكم
وكل صعبٍ إلكم يهونا
في الصحا والنوم نلقاكم
لا تسدوا درب من دونا

في الحشا والقلب سكناكم
امشيدات قصور وحصونا
نور ياضي من محياكم
مثل نور السطح في الكونا

وانفردتوا في سجاياكم
نادرين الحسن واللونا
لو حسبناها مزاياكم
توصل التعداد مليونا

وإن طلبتونا عطيناكم
بانزيد الكم وزونا
لو أخذتوا الزود يفداكم
حبنا متوازن اركونه