يا نور عيني كم لي من الصبر كم
يا قايد أريام الفلالي سروحي
لي مر طيفك هلت دموعي دم
من زود مابي فيضت به جروحي

ياما تبعتك في الهوى وإنت ظالم
تجرح وأنا أضمد جروحي بروحي
واليوم ما شملي وشملك بايلتم
مالي بحب اللي غدر في طموحي

عرفت غيرك صاحبٍ يجلي الهم
ما بين ترفات الصبايا مزوحي
كنه لجرح الروح طبٍ وبلسم
أشتاق له إن غاب عني وأنوحي

لو هو سقاني في الهوى كاس من سم
أدرى وداد اللي بحبه نصوحي
لو إني بعيد الدار لي نفس تعلم
رؤيا خياله في نظري تلوحي

أعز نفسي عن غرام التوهم
وأسرار نفسي ما ولاها فضوحي
هذه النهاية وإنت بإحساس ترجم
معنى الحروف اللي كتبهن سموحي