جيتني تسأل حبيبي
عقبكم أيامي كيف
بعد هجرانك لقلبي
في حياتي صرت طيف

أبشرك أنا بخير
وجروحي وآلامي بخير
وش تبي مني ترا إنته
صرت عابر صرت ضيف

أنا عقبك بألف خير
والحياه أجمل بدونك
ما وحشني شي فيك
لا ولا حتى عيونك

أنا في دنيا المحبة
عايش في أحلا غرام
وإنته عايش في حياتك
بين حسراتك شجونك

كنت عايش في حياتي
ساكنٍ في وسط عيني
كنت شوق العمر كله
كنت أنا أبيك وتبيني

للأسف بعت المحبة
وضاعت أحلامي معاك
وإنتهت أجمل حكاية
في الهوا بينك وبيني

روح أنا بعيش دنيا الحب
وأحيا في غيابك
روح يكفي ما حصلي
يا حبيبي من عذابك

وأنا بقضي باقي عمري
مهتني بحبي الجديد
عنك أنا صكيت بابي
سو مثلي وصك بابك