أبي شورك دخيل الله يا بو خالد
ترى هالدنيا ضاقت بي وأنا مليت
بلاني حب من خلا الفكر شارد
زعل مني وإذا ما رد لي جنيت
راشد الماجد

على هونك وقل وش فيك يا راشد
عيوني لك وعنك عيوني ما رديت
صديقك عدني أو حسبت الوالد
من اللي صد عنك وإنت ما صديت
عبدالكريم عبدالقادر

أنا حبيته والله عالم وشاهد
ويمكن دون ما أقصد عليه أخطيت
تعذرت وتعبت أقول مو قاصد
ولا عبرني ما تسوى علي حبيت
راشد الماجد

إذا أخطيت أكيد إن الخطأ وارد
وإذا صدك لأنه يحبك وزليت
هي فترة ومهما يروح ويباعد
بيرجع مثل ما يرجع حمام البيت
عبدالكريم عبدالقادر

يا شين الوقت من دونه وأنا قاعد
ذبحني الشوق له من كثر ما حنيت
أنا الغلطان وما أنكر ولا أعاند
وأظن يكفيهم إني بغلطتي حسيت
راشد الماجد

تزاعلتوا ولو كان الزعل كايد
يظل ملح الهوى ويا الذي أغليت
بدونه تشعر إن الحب شي بارد
وش أحلى من الزعل لو بعده تراضيت
عبدالكريم عبدالقادر