قلت حظي جعل عمرك ما تقوم
عقب قصة ريم خلك مستريح
من عرفتك وإنت آخر من يقوم
لا تفز ولا تعين اللي يطيح

يشهد الله ما تبكينا الهموم
المواجع بيتها القلب الجريح
والخسارة عقبها فوزٍٍ يدوم
في زمنا ما يصح إلا الصحيح

السوالف كلها شرهة ولوم
والنواظر في رجا وجهٍ مليح
والرفاقة وقتها عند اللزوم
ينعرف فيها الكريم من الشحيح

يا الله إنك تنصر المظلوم دوم
لا تذله وسط هالكون الفسيح
قلت حظي جعل عمرك ما تقوم
عقب قصة ريم خلك مستريح