أنا وياه ما ندري هوينا بعضنا وشلون
ومن شفته وأنا أحبه وفجاه صار يهواني
إذا ناظرني بعيونه أبنسى كل ما في الكون
وإذا جاني وقابلني أشوف العالم ثاني

وفي قلبي هو الغالي وفي عيني هو المزيون
وفي فكري هو الهاجس هو القاصي هو الداني
ويآمرني على كيفه وينهاني سواد عيون
يصبحني ويمسيني عذاب صار يلقاني

ولا أتخيل نكون بعاد وما أتصور زماني يخون
حياتي كلها بيده وصعب اليوم ينساني
وليت الحب متساوي لجل الناس به يرضون
ولا يشره علي صاحب عن المزيون ينهاني