أنا عمري ما هو لعبة
عشان أحيا على الكذبة
وأصدقني وأنا أكذب
على نفسي ترى صعبة

أنا بلقى السعادة كيف
إذا عشت الحياة بزيف
إذا بضحك وأنا المطعون
علي الله أنا والسيف

آه حياتي لي مو لغيري
لنفسي شري وخيري
لي أحلامي وأباتبعها
وروحي بالفضا طيري

حرام أحيا بدون إحساس
وأمثل بس عشان الناس
إذا طاوعتهم مجنون
رضوا أو ما رضوا لا باس

وأحس إني ما عاد أقدر
أفرط بالحياة أكثر
وخل اللي يقول يقول
أنا حالي علي أخطر

مصيبة لو على هالحال
أفكر من حكى من قال
وأعيش بسجنهم مسجون
كفاني هم وضيقة بال