لوعتي فيك لوعه مالها من مثيل
جدد الوقت جرحي بين يومٍ وليله
آه يا حظ جدلي لو بشيٍ قليل
ما خبرتك كريم مير ما فيك حيله

حملي اللي أشيله فوق متني ثقيل
كل ما جيت أحطه عارضتني جميله
ليتها عن هوانا تنتحي للبديل
كود حالك حبيبي يمي يطلق سبيله

من غلاك أفتخر بك وأعمل المستحيل
لو أعاني حياتي خل يعشق خليله
ما عرفت المذلة لا ولا أنته ذليل
عزة النفس فينا يا حبيبي حصيله

سالت دموع عينك وأنا دمعي يسيل
حزني اللي ملكني والليالي طويله
وقتي اللي طلبته مَن وأثره بخيل
شح وقتي ودبر ما عطاني قليله