يا غلاي إلي عن عيوني بعيد
إنت أغلى من يغيب ومن حضر
في غيابك تشتعل روحي وقيد
وفي لقاك يمر ع قلبي نهر

إنت أغلى من عشقت ومن أريد
تدمي جروحي على طاري السفر
قمت أحس الكون دونك مايفيد
وقمت أحس العمر من دونك خطر

كل يوم أشتاق وأبدا من جديد
وكل لحظة معك يبدا بي عمر
صرت أشوفك دنيتي إنت الوحيد
وفي غلاتك صرت لي كل البشر

يالوحيد إلي إذا سولف قصيد
وإن سكت أقرى من عيونك شعر
ينولد بإحساسك المرهف نشيد
غنته حب وغلا طيور الفجر

أنا قلبي عاش في قربك سعيد
كل ما يضماك يروى بك مطر
هذا قلبي قصر هارون الرشيد
وحتى روحي حارسه باب القصر

إنت في روضك مقدم وإنت سيد
إنت مثلك يامر فؤادي أمر
الأكيد اللي أنا اعرفه أكيد
إن غيرك ماله بقلبي أثر