أحبك كثر ما قالوا حبيبك ما درى عنك
واحبك كثر ما جيت في خيالي يا حبيبي طيف
أحبك إيه أنا أحبك وأحب اللي يجي منك
أنا يكفيني بس إنك في حلمي يا حياتي ضيف

وظني خاب باللي به ياما خاب به ظنك
على كيفك أنا من وين ما ودك أنا عالكيف
حبيبي ياللي ما تدري بأنك دنيتي وأنك
أغلى من سكن فيني مشاعر ما بها أي زيف

أنا أدري إني حبيتك قبل تدري وبدون إذنك
وأنا مثلك بعد مدري ولا حتى متى أو كيف
طلبتك ودي تسمح لي بعاتب عني وعنك
بعاتب حظي اللي حال بين أيامنا يا حيف

حبيبك ما درى عنك خيالك يا قليبي طيف
أحبك كثر ما جيت في خيالي يا حبيبي طيف
أنا يكفيني بس إنك في حلمي يا حياتي ضيف
على كيفك أنا من وين ما ودك أنا عالكيف
يا أغلى من سكن فيني مشاعر ما بها أي زيف
حبيبك ما درى عنك خيالك يا قليبي طيف