صدقيني
صدقيني قلبي يحكي لك حقيقه
صدقيني ما أرى غيرك ملاك
من أَجل وصلك باتّخذ أيّه طريقه
ما أُبالي لو طريقي لك هلاك
بعدك ولا غيابك على نفسي ما أطيقه
كيف أجاهد روح تشقى من غلاك
شرع الخطا يا زين عمّ الخليقه
وإن هفا شوقي معك أَبغى رضاك
يا زمان اللوم أحرق لي وثيقه
طيّها دستور بظلمه وطاك
منهو فينا أو في البشر ما نشف ريقه
كم قيل عنهم الشقي هذا وذاك
الشّك من طبعك وبإِحساسك رقيقه
مقبولةٍ عندي ولو هذا عطاك
روحي تنادي لك بصرخه غريقه
يا مغرقتها ليش عيني ما تراك