يا غايبة بالله مشتاق أنا ردي
طول غيابك ليه في رحلة الغربة
إنتي بعيدة هناك وأتخيلك عندي
وقلباً يحبك موت يتخيلك قربه

فيني حنين وشوق جاوزت أنا حدي
وليل الفراق يطول ويطول في دربه

قالوا سحابة صيف فرقاك وتعدي
صارت سنين العمر في غيبتك صعبه
يكفي غياب وبعد يا منتهى ودي
وقلبك يا ليته بس يشعر بما أشعر به

صورتك بعيوني وقلبي على يدي
واللي تحبينه مثلك أنا أحبه

ليلي عذاب وحزن ودموعه بخدي
يا قسّوة الفرقة والقلب وش ذنبه
أنا بحر من شوق في جزري ومدي
وشوفتك لي مرسى بإحساس يبحر به

مشتاق لك مشتاق وأجيب وأودي
والشوق يلعب بي بس مقدر ألعب به