أحبك ليه أنا مدري
ليه أهواك أنا مدري
لو مرت علي ذكراك
يفز النبض في صدري

كأنا ما افترقنا يوم
ولا سهرنا مع الهجران
أنا اللي أخترت نسيانك
وذكرني بك النسيان

لكن ذا قدر عمري
أحبك ليه أنا مدري

علاقتنا إنتهت بالحب
لك الله نسيت من كم عام
أنا أدري إن الأمل رمد
ماضينا نسانا ونام

لا يجمعنا لا موعد
ولا فرحة ولا أحلام
لا يمكن في يوم إنا
نتلاقى مع الأيام

لكن ذا قدر عمري
أحبك ليه أنا مدري

حكاية عمرها أعوام
أنا ما ودي أذكرها
ولا ودي ليالي الجرح
ترجع لي وأسهرها

عسى ما يوم يرجع لي
خيالك يا حبيب الأمس
منين أعطيك أشواقي
إذا قلبي طواه اليأس

لكن ذا قدر عمري
أحبك ليه أنا مدري