من قال بموت لا من طحت من عينك
وإلا تناسيت حبي قامت الساعة
يمكن شوية غلا من بيني وبينك
سويتها سالفة والروح ملتاعة

أتموت ما جبت راسي لو كثر زينك
وأموت ما يشتكي قلبي من أوجاعه
ياللي تبي تطعن فؤادي بسكينك
النفس تآمر ولكن ما لها طاعه

صدقت نظرت عيونك في محبينك
والعين يا زين بعض أحيان خداعة
لا تحسب إنك ملكت القلب بيدينك
بدري على مثل سنك يلوي ذراعه

ما همني لو فنت في حبي سنينك
قلبي ليا صد صد ويصعب إقناعه
غرك جمالك حبيبي ربي يعينك
الزين قال المثل من زانت اطباعه

مذكر ليا غبت عني أسألك وينك
ياللي سيوف الجفا بيديك قطاعه
مات الغرام ووروده في بساتينك
قلبن جرحته طوى من حبك شراعه