والله ما كان الفراق إختياري
ولا عمري إخترت الوصال ولقيته
وأنا أعشقك عشق المطر للصحاري
مهما قسى وقتك علي ما جفيته

ما كان بعدي عنك بالبال طاري
إخترت بعدي عنك منك ورضيته
لو كنت داري بس لو كنت داري
ما أعطيت لك قلبي وحبك مشيته

لو مل من صبري حنين إنتظاري
ما قلت أبيك ولا رجوعك رجيته
أذبلت من طبعك ورود إعتذاري
عطشان ذوق ولطفكم ما ارتويته

ليت الزمن يقدر يرد إعتباري
ويبري لهايب قلبي اللي كويته
روح مراح الليل والليل ساري
لو كان مهما كان حبك نسيته