يا طر جيبي على اللي احتار بهدومه
في كل لون يضاهي الشمس بالقوه
بالمنظره كل ما يسأل عن هدومه
يرد صوت المرايه كلها حلوه

لو كان يدري بزينه وتحفة رسومه
ما احتار عند المرايه ولا خرب جوه
يا قوم ذاك اللباس إن لاق يا قومه
ويا قوم قلبي ضعيف النفس والقوه

عنقن وصدر وسيع الكتف بنجومه
يشبه سمانا ونور الكون من ضوه
وعلومه اللي يسوي أعشق علومه
ما فيه رحمه ولا رئفه ولا مروه

آخر جوابي وش الأحلى من هدومه
يلبس حنيني يلف الروح من جوه
معي تشيش المرايه وكلنا نلومه
وبصوت واحد نكرر كلها حلوه