حكاية حبنا كانت قبل يمكن ثلاث سنين
رضينا في نهايتها قبل ما نبتدي فيها
وأنا من يومها لليوم أسف ليوم الدين
كثر ما أحاول أنساها ترى ماني ناسيها

أكذب من يقول المنشغل يسلى عن الناسين
قبل يذرف دموع تستحي من خد راعيها
وأقول أن الوفي لو حب عادي يتبع المقفين
إذا في قربهم شاف أول أحلامه وتاليها

محد والله ملكني فالغرام إلا ملاك الزين
قدر بس القدر يجمع شتاتي بين إياديها
مصير الحي يتلاقى وحنا كلنا حيين
مسافات العمر ما تزهر إلا من خطاويها

على صدفة لقا عابر مثل رسمة بلا تلوين
أحس أن الحنين اللي يناديني يناديها
وأنا من يوم فرقاها وقلبي منقسم نصفين
خذت نصفه وخلت نصفه اللي في حراويها