بإختصار حظ فاله هالظبي
ذيره من نظرتك طلقة عيار
لي تصيبه ما يلاقي مهربي
كم في قتلاك من ذات الخمار

نظرة فيها شعور المعجبي
في سؤاله با يغطي الانبهار
إن صدق بالقول ولا يلعبي
لفتته لك بالغلا تعني اختبار

يا مها السامر وفخر المنسبي
يا نسل مكتوم شيخه الافتخار
من جداول حبه الصافي اسكبي
كأس وده من محاسن الاختيار

احتمي بين الهدايب واختبي
بسها الأشواق يكفيها انتظار
واسمعي نبض الخفوق وجاوبي
وانعمي بالحب لين الانصهار