والله احتاجك أنا
خلك أبجنبي قريب
وان حصل شي بيننا
عن حياتي لا تغيب

أنا من بعدك أتوه
و عالمي بعدك يضيع
تختلط عندي الوجوه
العدو يصبح صديق

تدري يالقلب الحنون
إنت بالنسبه لي ايش
وأنا بعدك كيف أكون
وليه أحس وليه أعيش

ياللي شفت أحلامي فيك
والتقيت بأحلى جنه
أدعو ربي وارتجيه
ربي لا تحرمني منه

لو تهب الدنيا ريح
وينتهي كل الزمان
ويصبح العالم جريح
أنا بأيديك ابأمان

قلبك البيت الكبير
اللي ظللني بوروده
وأصبح الحلم الأخير
صعب أبعد عن حدوده