تدري ليش أزعل عليك
أعشقك وأموت فيك
تكسر الخاطر بدوني
وينكسر قلبي وأجيك

لو تفارقني ثواني
أكتئب وأكره زماني
لا تخليني أعاني
وإنت في عمري شريك

راعني وأقهر ظروفك
وإسعد أيامي بشوفك
ليش بعدك ليش خوفك
دام قلبي بين إيديك

حبّك يبان بعيوني
وابتساماتي وشجوني
وإنت ما تصبر بدوني
تهتويني وأهتويك

أكره العالم بدونك
وأعتزلهم في عيونك
من يحبك ما يخونك
لو ترى يزعل عليك

أستفزك من ودادي
وأهجرك وأقول عادي
من ورا خاطر فؤادي
لأجل ترضيني وأجيك