تدرين وادري بنفترق
تدرين قلبي بيحترق
حنا اتفقنا في كل شي إلا الزمن
عيا الزمن لا نتفق
ولا تزعلي لو نفترق
قلبك خلي
وقلبي أنا اللي بيحترق

يا وردة في كل الفصول
يا فرح عيى لا يطول
قولي وأقول
إن كان عندك لي حلول

يا فرحة القلب الحزين
الوقت يمر
ومالك عذر
كانك تبين ننسى العمر
ننسى السنين
ونذوب في حب وحنين

تدرين وش سر الحكاية
الوقت يمر ولكل شي لا بد نهاية
وحنا قربنا من النهاية
ومالك عذر
يا بسمة الثغر الخجول
إن كان عندك لي حلول
وإن كان ودك نتفق
وإلا ترانا بنفترق
ولا تزعلي لو نفترق
قلبك خلي
وقلبي أنا اللي بيحترق

يا حب يا دنيا جديدة
يا أحلى أبيات القصيدة
إن كان جرحي ما كفى
أنزف لك جروح جديدة
وإن كان شعري ما وفى
أنسى الحكي وأنسى القصيدة
يا أحلى أيام العمر
كثر الحكي وش بيفيد
وما بقى عندي صبر
والجرح في قلبي يزيد
مالك عذر
يا بسمة الثغر الخجول
ما أظن عندك لي حلول
وما أظن ودك نتفق
وإحنا ترانا بنفترق
ولا تزعلي لو نفترق
قلبك خلي
وقلبي أنا اللي بيحترق