كلي وله ليل وشموع وأماني
أسهر على شانك وأنا ما حكيت
جيتك مراكب شوق وين المواني
ميت على شوفك وأنا ما شكيت

أنا أحبك إنت ما أحب ثاني
وإنت تداري خاطري ما دريت
اليوم ساعة والدقايق ثواني
رتب مواعيدي متى ما بغيت

يا سلوة الخاطر وضحكة زماني
عطني مدى عيونك مدينة وبيت
الله من ليلٍ طويلٍ بلاني
لكن على شاني أحبك سريت

في غيبتك عز القصيد ونساني
ذاب الوله في خاطري وإحتريت
عطني مدى عيونك وأنا في مكاني
أشوف وش سويت بي وش نويت

يا مصحي الأشواق عطني مكاني
يا حر جمرٍ في غيابك وطيت
آخر كلامي وإختصار المعاني
وش حاجتك في قلبي اللي خذيت

عطني جناحين وصباح وأغاني
وأجيك مثل الطير لا من دعيت
اليوم ساعة والدقايق ثواني
رتب مواعيدي متى ما بغيت