وين تبدأ هالمدينة كل يوم
ودي أعرف هالعواصم
وأبي أبدأ من يديها

ودي أنزع من أصابعها الخواتم
قبل لا أسلم عليها
ودي تجمعني بها لحظة حميمه
وين تجلس هالمدينة

في العماير في الدواير
في الدكاكين القديمة
أو تحت أهدابك إنتي
وأبي أعرف
وين تبدأ هالعيون تنتهي
كل يوم

مدري وش سر العواصم
والمداين والعيون
ومدري وش سر الجنون
أنتظرتك في محطات القدوم

وفي مواعيد السفر
صك شباك التذاكر
وإنمحى حبر الختوم
وما لقيتك

الشوارع الشوارع
والزحام هو الزحام
وما يدلك إلا ضايع
يمشي والخطوة ظلام

وفي مواعيد السفر
صك شباك التذاكر
وإنمحى حبر الختوم
وما لقيتك