أنا من هالأرض

أمي الصحراء
أحضنتني رمالها
وأرتويت بطهرها
وأطعمتني تمرها
وفرشت لي ظلالها

أنا من هالأرض
اللي مال عيالها غيرها أرض

عاشقٍ هالرمل
من خلقني الله لين أموت
عاشقٍ جرد الروابي
والفيافي والخبوت

عاشقٍ طين البيوت
وفتلة خيوط الوبر
عاشقٍ ما في البشوت
من عطا وطيب وفخر

أنا من هالأرض
اللي مال عيالها غيرها أرض

يا غالية يا غالية
فوق الغلا إنتي
ما أجملك
حبيبتي ما أجملك

العشق لك
والمجد لك
يكفي القصايد فخر
لو توصلك

يا مجدلة شعرك نفود
وعالي جبينك هالنجود
وقلبك هضابٍ بينها
أطهر مكانٍ في الوجود

قالوا البيت الحرام قلت أرضي
قالوا الشرع الإمام قلت أرضي
قالوا الحب السلام قلت أرضي

قالوا في مدحك نزود
قلت يفداها الحسود
ما على هالأرض أرضٍ مثل أرضي