غافل الهم قلبي والزمان إستدار
وشوقي اللي هويته أصبح اليوم ضدي
طال ليلي ألا وينه أبيه النهار
ضاعت خطاي حتى الدرب عيا يودي

يالغضي كيف أشوف الحلم والنوم طار
والحقيقة تعل الحيل غصب وتهدي
كل حزنٍ تلملم من يمين ويسار
وأجتمع في خفوقٍ باح سده وسدي

ناظر الحال والعود الخضر كيف صار
الشقى محتويني والتعب مستبدي
خالف الحظ عمري وأستثار الغبار
والبيارق تهاوت والهزيمة بيدي

يالغضي طحت كلي في دهاليز نار
واستحالت دموعي جمرة فوق خدي
آه وأشقوة اللي عايشٍ في إنتظار
من كثير التعاسة ما درى وش يبدي