من بادي الوقت هذا طبع الأيامي
عذبات الأيام ما تمدي لياليها
حلو الليالي توارى مثل الأحلامي
مخطور عني عجاج الوقت يخفيها

آسري مع الهاجس اللي ما بعد نامي
وأصور الماضي لنفسي وأسليها
أخالف العمر أراجع سالف أعوامي
وأنوخ ركاب فكري عند داعيها

تدفى على جال ضوه بارد عظامي
والماء يسوق بمعاليقي ويرويها
إلى صفى لك زمانك عل يا ظامي
أشرب قبل لا يحوس الطين صافيها

الوقت لو زان لك يا صاح ما دامي
يا سرع ما تعترض دربك بلاويها
حتى وليفك ولو هيم بك هيامي
سيور الأيام تجنح به عواديها