احتمال
يوم قابلتك في الخيال
احتمال كنت الجواب
يا حبيبي لمية سؤال
احتمال
كنت نسمة صيف في ليل
احتمال كنت الدليل
وسط مشواري اللي طال

احتمال حبينا بعضنا من سنين
أو مخلوقين
في زمن بعيد
احتمال اللي إحنا عايشين فيه ده كان
عشناه زمان
و في لحظة عشناه من جديد

احتمال أنا وإنت م اللي حسيناه
عشنا حياة
قبل الوجود
أو كنا غنوة حبيبي تعزفها النايات
وسط السكات
أو ضحكة على خد الورود

ارواحنا عرفت بعضها في عالم بسيط
أو كنا بيت
فوق الجبال
أو كنا موجة في بحر حاضناه النجوم
يوم بعد يوم
تكتب حروفنا على الرمال