أيواة بسببك قادر أكمل
وقت ما بتعب ليكي بروح
لما بِبان الدنيا تقفل
حضنك آخر باب مفتوح
يا اللي عيونك وقت ما بغرق
بالنسبالي دي مركب نوح

إنتي الحتة الحلوة في قلبي
ببقى في قربك مش قلقان
إنتي حبيبتي وأمي وبنتي
ومليش بعدك تاني مكان
حببتيني في أيام عمري
رجعتيني لنفسي زمان

وأنا بين إيديكي إحساسي بيكي
لو قلت ليكي مبيتحكيش
جيتي وبقيتي أهلي وبيتي
لو يوم مشيتي إزاي هعيش

عمرك لحظة ما نزلتيني
لا بالعكس أنا بيكي عليت
ولا بعتيني ولا خذلتيني
وبتديني أكتر ما إديت
قبل ما بندهلك بتجيني
ضهري وسندي لو إتهزيت

نصي التاني اللي بيفهمني
قبلك عمري مهوش محسوب
حبك هو اللي مكملني
من نقصي ومن أي عيوب
إحساس بأمان بيطمني
وسط حياة مليانة حروب

وأنا بين إيديكي إحساسي بيكي
لو قلت ليكي آه مبينتهيش
جيتي وبقيتي أهلي وبيتي
لو يوم مشيتي إزاي هعيش