أضعف من إنك يوم تشوف
أيوا إنت أجبن م الظروف
عمرك ما خدت ف يوم قرار
وناقلي إحساس كله خوف

أيوا إنت راجل بالكلام
مش بالحنان والاهتمام
ولا خدتني ف حضنك ف يوم
ولا إحتوتني بشكل عام

إنت مريض وعايز تمرضني
عن كل الدنيا بتبعدني
وعلي وجودك بتعودني
وناوي تسبنى فجأه عشان أموت

أنا حاجه ف آخر إهتماماتك
أنا دايماً دور تاني ف حياتك
لكن والله ووحياتك
لتعيش بعدي تتمنى الموت

قليت ف نظري من كتير
وصغرت بعد سنين كبير
أنا أقبل الناس أى نوع
لأ، إلا معدوم الضمير

راح منى ليك أى إحترام
هظلم ليه نفسي معاك حرام
لو كنا لسّه مكملين
أنا كان زمان جالي إنفصام