يا حكاية من خيالات القصص
‎ويا حكاية عمرها لحظة لقاك
‎علميهم من سواك

‎إنتي ياللي معطية القمره ضياها
‎وإنتي اللي ما إنوجد حسن سواها
‎وإنتي اللي خطوتك شمس وفي
‎وإنتي ياللي طلتك هي كل شي
‎إقبلي يالجوهرة

‎ألف الصلاة على النبي وألف السلام
‎في طلتك يالجوهره بدر التمام

‎إفتحي باب العمر ثم إقبلي مثل السعادة
‎زفتك نجوم تأخذ من طرف طرحتك ضو
‎جوهرة هذا المسا وخطاك عالنسمة تهاده
‎خطوتك فوق السحايب ما مشيتي إلا علو

‎لك شعور الفرح مغرم عند طلتك بزيادة
‎كل ما نسأله عنك قال تو الفرح تو
‎إمشي الخطوة تبختر قربي الصبح بمعاده
‎شايلة طرحتك شمس وورد في يدينك نمو

‎من عطا حسنك قبول خالقك أجمل عباده
‎هيبة وزين وتباهي كلهم فيك احضرو
‎ جوهرتنا وزفتك أشعار لك عقد و قلاده
‎وأجمل أبيات القصيدة في هدب عينك غفو

‎انتي يا حلم تحقق فوزه و لحظة حصاده
‎كلها في عينك إنتي قلبه و احساسه صفو
‎طاب من شافك نصيبه عشق يكبر في زيادة
‎جلوي اللي اختاره قلبك ومحد غيره إلا هو

‎يا عيون مشاعل إنتي وانتي يا معنى السعادة
‎اكتمل فيكي فرحها ونبضها كفوف دعو
‎إنتي يا أصدق شعور بقلبها الفرح ومعاده
‎وإنتي يا فيض المشاعر كل ما أسمك طرو

‎افتحي باب العمر واستبدلي الليل وسواده
‎وفلي الطرحة تهادى من طرف طرحتك ضو
‎يا عسى فرحك يدوم وقلبك يوصل مراده
‎والسنين إنتي سعدها وكلها فيكي صفو

‎المسا أنور لك العارض تغنى
‎وزينوها من النفود إلى تهامة
‎جوهرتنا والقصايد لك تعنى
‎وش نقول وليلتك أجمل ختامه
‎يا معربة الجدود إن قيل حنا
‎من هل العوجا العظيمين النشامة

‎آل السعود وكل مجد تثنى
‎هم أساس العز تيجانه وسنامه
‎جوهرتنا و الشعر فيك يتغنى
‎لا غدى لك أجمل احساسه وكلامه
‎اقبلي والليل بك زان و تحنى
‎والنجوم عقود تضوي لك ظلامه

‎طاب ليلك يا عسى ايامك تهنى
‎ويا عسى هالفرح يكتب لك دوامه
‎المسا أنور لك العارض تغنى
‎وإنتي في هذا المسا مسك بختامه