الأمان سراج دربي لا سريت
وشمعتي لا جيت بيتي والأهل
وباكرٍ لا أصبحت بظهر ما دريت
هل قفلت الباب ولّا ما أنقفل

نعمةٍ ما عاشها كود البخيت
ومن سكن هالمملكة طفل وكهل
يالسعودي وإنت من صنت وحميت
وإنت من عمرتها سهل وجبل

بالأئمة والملوك اللي أرتضيت
دينهم والعدل في قول وفعل
من ثلاث قرون وأحسب لو بغيت
كم ظهر فأرض الجزيرة من بطل

محمد بن سعود من فيه أحتفيت
ومن سكن في قصر سلوى وأرتحل

وراع الأجرب وإلا أخو نورة نسيت
منهو نجم المشتري منهو زحل
شيخنا سلمان لو قلت وحكيت
هذا هو وصف الكثير من الأقل

العطا من بعض جودك لا عطيت
وإنت نبراس العقيدة والمُثل
ومحمدٍ يا محمد مجدٍ وصيت
الأصل هو الفرع والفرع الأصل

يكفي إنك خذت أرضك واعتليت
قمةٍ تحلم بها كل الدول
رؤيتك لو هي قصيدة كل بيت
يستحق ديوان من فخر وغزل