يمر وعيون الخلايق له تشوف
يوقف الجلاس ثم يجلس وقوف
على الحنايا كن خطواته جرس
على القلوب الطايره ليته يروف

يعرف نوايا عيونهم ما يلتفت
يقرى سطور قلوبهم لو ما يشوف
هيبه ومخلوقة من اطراف السحاب
تمطر وينبت في قلوب الناس خوف

الناس معقودة على ساق اقدمه
مثل الحجول اللي تعقدها الكفوف
والناس ما يدرون إنه بس لي
وله في عيوني ذكريات وله طيوف

عدي على قلبي وسم وادخله
أنا وقلبي كلنا عندك ضيوف
تمر وعيون الخلايق لك حرس
واتوقف الجلاس ثم تجلس وقوف