فمان الله يا درب على الهجر تحراني
خذاه الوقت من جنبي ولا جاني ولا جيته

قصيدي يا قصيدي يسكن بقلبي طرف ثاني
قبل يسكن بيوتي جنة وتمسي عفاريته

تعال اسأل نجوم الليل يا هاجر من الهاني
وأنا اعلمك بالوقت الطويل وكيف قضيته

بغيت اقوى على بعدك وراح الصبر ما مداني
اهز الشوق وإن طاح الوله بالحضن وضميته

ربيعي يا خريفي يا شتاي وصيفي الهاني
تراك إنت الفصول وهجرة الشعر وتشتيته

فضت كل الشوارع ما لقيت اللي تيرياني
مثل طفل طلع يلعب ورد وما لقى بيته

تحداني تحداني حبيبي لا تحداني
أنا لو لاك لحن الهجر والفرقا ما غنيته

تمنيتك وقلت في خاطري ليته تمناني
وأنا ما كل واحد شافته عيني تمنيته

على كيفك تذكرني على كيفك تناساني
وأنا طاريك في قلبي ولا يوم تناسيته

زرعتك وردة حمرا تزين كل بستاني
ودفنت القلب في تربة مشاعرنا وخليته

أنا المجني عليه اللي يقدر طعنة الجاني
لان جرحه يذكرني بطاريه لي حسيته

فمان الله يا درب على الهجر تحراني خذاه
الوقت من نبي ولا جاني ولا جيته