يستاهل الجرح من يجرح محبينه
واللي جرح صاحبه يستاهل الجرح
غرست بك ورد وإنت أغرزت سكينه
الله يا هالزمن صار الغلط صح

اللي وفالك لزوم ترد له دينه
لاتنكر حقوق خل متعبه الشرح
ومنهو يجي منتمي لك خذه بيدينه
طر به لصدرك وضمه الشوق يفضح

أحفظ عهودك وصنت الحب من حينه
اكرمتك بغيبتك وشيدت لك صرح
بنيت لك من غلاتك بستان و جنينه
رويتها بدمع عيني من بعد يذبح

أهديتك رويحتي وأهديتني بينه
عودلي ضحكة شفاي إن كنت تسمح
من حب مثلك أناني الله يعينه
لا شفت منك الهنا ولا شفت أنا فرح