أنا شوقي مثل طفل يشوف أمه وسط عينك
إذا غابت غدى يبكي بوسط الناس أبي أمي

أنا تدري وش إحساسي إذا تلمسني يدينك؟
فؤادي نبضه يوقف وإيدينك تنبض بدمي

حواسي الخمس أدمنتك تعال الله لا يهينك
نظر عيني وسمعي لك ولمسي وذوقي وشمي

أحب شكلك وأحب قلبك وأحب عسرك وأحب لينك
أحب كل شي يخليني أحبك حيل يا عمي

أبي كلك تجي لقلبي تعال بزينك وشينك
أبيك بكل حالاتك أبي دايم تظل يمي

عرفت الحين كل شوي ليش أسأل أنا وينك؟
لأنك الأول بقلبي وأنا قلبي على فمي