جاني وهو لينٍ واشتد
جيته على الشده الشدة
أخذي الزم من اللابد
وأخذته أقصر من المدة

معه أحس بفخر واعتد
وهو بعد معي من قده
علاقتي فيه جزر ومد
وذاك هاته وذا وده

خلاني بوهم ومجرد
وخليت له عالم وبده
واعدني وجيت بالموعد
طلبني وقلت ما أرده

عطيته العيد والمولد
وعشاق وأحباب وموده
وهو عطاني قليل الود
ومصعرٍ دايمٍ خده

أجبرني أقول له محتد
من نفس عافت ومحتده
والله ما للمشاعر غد
القلب عاصي وما وده

عشقت يوم الهوا من جد
وزهدت دام الهوا لده
علمني الجرح كيف اصد
صديت والصده الصده