أدري بس ودك تشوفه قلبي متكدر وطايح
وأدري مثلك لا لقاني طحت ما سمى عليه
روح إذا ودك تروح ما يهمني وين رايح
لا تمثل دور عاشق لا تسوي مسرحية

لا تعلمني الحياه لا تقدم لي النصايح
يعني فاعل خير تتمنى لي العيشة الهنيه

حيل ضحكني كلامك ما تحب إنت الفضايح
وإنت لو تقدر ثواني كان تخلق لي الأذية
بارع في صف الكلام وعيشتك كلها مصالح
لا تسوي لي حكاية قيس وليلى العامرية

لا تعلمني الحياه لا تقدم لي النصايح
يعني فاعل خير تتمنى لي العيشة الهنية

وفر أعذارك وكذبك غيري محتاج النصايح
يمكن أسلوبك يفيدك وتخدع إحساس الضحية
طاح غيرك من عيوني شي عادي وإنت طايح
وانتهى الفصل الأخير من فصول المسرحية

لا تعلمني الحياه لا تقدم لي النصايح
يعني فاعل خير تتمنى لي العيشة الهنية