أقدر موقفك وأعذرك وأذكر عشرتك بالخير
وأكرر شكري وتقدير قلبي يا بعد قلبي
وأقول آسف على حزنك على بعدك على التقصير
أمانه عش حياتك وأترك همومي تسافر بي

حياتك تستحق التضحية والصبر والتفكير
حرام يضيع حلمك يا رفيق الدرب في دربي
بلحظه كيف صرت أقسى من الفرقا بلا تبرير
وأنا اللي ليلة فراقك بغيتك تاقف بجنبي

تصاحبك السلامة والأماني يا نصيب الغير
أنا كل الكلام اللي بقوله يحفظك ربي
وتبقى أكبر وأكبر بعيني والزمان صغير
ولو ما قلت أحبك كل يوم يقولها قلبي