ما عرفت الشوق إلا من هواك
في غيابك قطع القلب الأنين
راحت أحلى أيام من عمري معاك
وأصبحت ذكرى تداولها السنين

وينك إنت وين عيني ما تراك
وين يا مصباح ليلي ما تبين
بعد ما ذوبت روحي في هواك
تقترب خطوه وتبعد خطوتين

يا عيوني كيف أوصف لك غلاك
غاليٍ عندي ومقدارك ثمين
ما أريد إلا من الدنيا رضاك
والوفا دايم صفات المخلصين

أروي العطشان لمحتاج لماك
يشتكي حر الظمأ منك لمين
يا حبيبي قبل يوصلني الهلاك
عوض اللي فات من عمري سنين

إنت داري حالتي صعبه بلاك
ودي أقطع منك شكي باليقين
رادلي وألا باقول الله معاك
وعلى بلاتي با صطبر والله يعين

بدعي المولى عسى ترجع عساك
لأن هذا القلب من غيرك حزين
كل هذا البعد عني ما كفاك
عايش بظلمة متى فجري يبين