غيمة العارض نشت يا طيب فالي
وأقبلت وياك يا خلي عليه

من جنوب طويق إلى أرض الشمالي
والسوالف الولد عاشق بنية

القصيده بالهجيني هم لالي
ويا هلا بك في طروق السامريه

والله إني من قديم الوقت سالي
لين هبت نسمة الحب النديه

لا تحسب إني نسيتك يا حلالي
حرك الجمرات وتلقى النار حيه

لا ذكرت أيامنا وذيك الليالي
هلت الدمعه تقل طق برديه

إن ضحكنا صارت الدنيا تلالي
وإن سكتنا صاحت جروح البريه

ما يعيش إللي يبيع الحب تالي
وما يعيش إللي يقفي عن خويه