ريح الفخر هبت وفاح أزرق الطيب
من قصر يكرم كل من جاه زاير
وعم الفرح يا أهل الكرم والمواجيب
كل البيوت وكل درب وعاير

أهلا هلا بمعذب الضيق تعذيب
من كثر ما شوفه يجيب البشاير
أحمد ولد سلطان نسل المعازيب
اللي بفزعتهم تهون العساير

أقبلت قرم عالي الشان ومهيب
تقول ما كنّك على الأرض ساير
جعلك ذخر لاغلى وأعز المطاليب
وجعلك من الفرحة بها دوم طاير

مبروك لك يا راهي الجود والطيب
ومقدارك أكبر من جميع الصغاير
ياللي إلا من قلت سم يخسى الذيب
طالبك مطلوبه يلاقيه صاير

يا سهم لا منه رمي لازم يصيب
عز الله إنك واحد عن عشاير
عسى مكانك دوم باعلى المراقيب
وتربح وابد ما تعترضك الخساير

يا أمير ما تكفيك كثر التراحيب
في هالمسا والله يعرف السراير
كل يبي يوصف سعا دته ويجيب
وصف أبد ما قيل مثله وحاير

العذر منك كل الاشعار ما هيب
قدرك ولا هي قدر ما فالظماير
من الفرح يا معذب الضيق تعذيب
وجه الكرم والمرجلة والبشاير