بريء وإنت السبب في اللي حصل كله
عز الله اللي يعرفك طاح متهاوي
مسكين مسكين ما يدري بهالعله
لو غبت منهو على فرقى الغلا قاوي

لعبت ضيعت أخذت قلوب منت له
فيك وبقايا الحكي والعهدة على الراوي
ودامك عقدت الحبل أرجوك لا تحله
عقد مدام الوله والعشق متلاوي

يا ماخذٍ حاجتك مني فمان الله
جرحك عطيب وعجزت ألقى له مداوي
مير البلا إني أبي قربك ولا مله
ضدين وإحساسي المجنون متساوي

تكفى طلبتك يباس العاطفة بله
لا صار كل الشعور بغيبتك خاوي
هذا كلامي خذه وما جاز لك خله
لا حلل الله غلاك إن جيتني قاوي