يلازمني خيالك وين ما رحت وسرحت وجيت
أسرني طيفك وحبك أسرني وصرت مفتونك

حبيبي مرني صوتك بلا موعد وأنا حنيت
أجل وشلون لو عيني تصافح فجأة عيونك

فقدتك ليلة البارح غريبة ليه ما مريت
وموعدنا ينادينا ذبل ضي القمر دونك

ذبل كل الفرح حتى الثواني مالها توقيت
ترا مالك عذر تبعد وأنا للحين مجنونك

تعال اهزم ظروفك لا تخليني إذا ونيت
أنا يكفيني بس أسمع حبيب الروح وشلونك

يلازمني خيالك يا حبيبي كثر ما حبّيت
وأحبك يا الخيال اللي عيوني ما يشوفونك