تمرد قلبي بحبك كسر حاجز كسر قانون
كسر كل الظروف اللي تفرق بينك وبيني

أجي متولع بحبك أجي عاقل أجي مجنون
أجي هالك أجي ميت وأجي أبغاك تحييني

تفضل جاوب العالم حبيبي مين إنت تكون
وعلمهم بإنك حلم تحقق بس بيديني

تفضل واقهر العالم يشوفون السما بعيون
ولكن ما يطول إلا حبيبك يا نظر عيني

أبيك وباخذك منهم وأحبك والبشر يبطون
ويبطي من سعى وده أخليك وتخليني

بحارب كل هالدنيا بحارب كل هذا الكون
وأنا فايز بعون الله وأنا اللي باخذك فيني