جرب هوى غيري وتعرف ودادي
لا مرتك ذكراي من حين إلى حين
ودامي بحياتك صرت إن شخص عادي
ما أجيك في شرهات قلب شكى البين

لو كان حبّك هو شرابي وزادي
ما أقول لك عندي علوم وبراهين
عندي على ما فات علم وكادي
إنك على اللي راح تصفق بكفين

لا تحسب إني بعدك اليوم غادي
طبعي وأعرفه لا غدى الهم همين
لو جرح حبّك لاجئ في فؤادي
النفس طابت والوفى له موازين

لا حدني وقتي ولا الوقت حادي
ولا همني باللي جرالي من سنين
جرح نقلته بأول الحب بادي
في خافقي يفهم رموز المحبين