تعال وخذني لغيابك رجيتك والدموع تسيل
تعبت يهزني شوقي وأطيح من الوله وأشقى
سهرتك دمعة وصورة حفظتك والضلوع تشيل
بكاي اللي إنحنى معه الشعور وما عرف يرقى

سكن قلبك أحد غيري أمانه اسأله يا ليل
خذاك وليت لو ماخذ سنيني وتاركك تبقى
إذا بعدك يغربني فأنا والله على ما قيل
طويت الأرض لعيونك دروبٍ تتجه شرقى

أسولف للجدي عنك ويشعر بالجروح سهيل
إلا منه غدا صدري سماك وسيرة الفرقى
وإذا رجعتك تألمني وإذا فراقك يزيد الويل
فأنا ما بينهم في نار شبت داخلي حرقى

دخيل الله وأمان الله ولا مني فقدتك حيل
أبيك ترجع إحساسي أخاف بيوم ما ألقى
أنا برحل ولا عندي سوى ذكرى تهد الحيل
فمان اللي بقى مني عتاب ودمعة زرقا