صبري ملني
لمني في محجر عيونك حبيبي وخلني
خلني أشوف نفسي في عيونك وأطمئن
دامك تنسى الهم بالرمش الضليل تفلني
لعنبوا ذا الرمش كيف إني من أسبابه أجن
حبك اللي تل قلبي من بعد ما تلني
صدق أنا ميت في حبك كانها عيونك كفن
أجمع اللي باقيٍ مني شتات ودلني
شوفني ذاك الغريب اللي يدور عن وطن
صدك اللي هد حيلي والجفا لي علني
ليه قلبين المحبة بالمحبة ما ألتقن
قلت أبصبر والصبر من زود صبري ملني
وقلت أبنسى وأثر طيفك صار لعقلي سجن
ضاعت دروب المحبة والحزن ما ضلني
يا حسافه ذي الليالي ذي الليالي ما أنصفن
لا تهل دموع من عينك أخاف تهلني
خايف أطلع من عيونك لا من في يوم بكن