إنت وضعك غير ما يسواك غالي
مخلصٍ لك حسن ظن وحسن نيه
ظاهراً للناس باني عنك سالي
وإنت تدري بإن نار الشوق حيه

إنت مثل النهر لي حوله ظلالي
يروي الضامي ويتفيا بفيه

كل ما جاء الطيف لك زاير خيالي
فز قلبي مرحبا حيك وحيه
والله إنك بالمحبة راس مالي
بالحياة أحباب وإن متنا سويه

والله إني في دجى سود الليالي
أتخيلك البدر وأسري بضيه

أستمعك إحساس وأنطق بك لألي
وإن نسيتك تشره أحروفي عليه
دام جوك صافيٍ لو ما صفالي
جو غيرك ما يأثر شي فيه

إنته أوفى من على الدنيا وفالي
لو وفيتك أنت راعي الأوليه