أنا حدودي ترى روحك بعد روحك أنا منلي
وأنا منلي إذا تقفي بروحك عن مساحاتي
أشوفك كل ماحولي احسك بعضي و كلي
ولو لحظة تفارقنا تحاصرني متاهاتي

ياطيف مايفارقني ف ترحالي وفي حلي
ياقلب كثر ما أحبّه احسه نفسي وذاتي
وأنا وشلون ما أحبك واماري بك وإنت اللي
إلى منه علي اقبل احسه يجمع اشتاتي

تفضل صادق إحساسي تفضل دقي وجلي
أنا مابي سوّى قلبك يا أجمل كل خيارتي
تبي قلبي تبي عيني تدلل امر وقلي
وسلم لي على قلبك وله صادق تحياتي

يا اقرب لي من إحساسي من انفاسي ومن ظلي
ياسبة كل افراحي وضحكاتي وبسماتي
أنا حدودي ترى روحك بعد روحك أنا منلي
وأنا من لي إذا تقفي عيونك عن مساحاتي