في الظل
أنا في الظل
وأنا الأوهج أنا الأبهج
ولكن يقتضي المنهج
أبقى أنا في الظل

أنا لهمومه المخرج
وأنا إن ضاق بي يفرج
ولكن لجل ما يحرج
ببقى أنا في الظل

أنا الشوق الذي هزه
وأنا المضمون أي حزه
وأنا اللي يلقى بي عزه
وألقى معاه الذل

برغم إني أنا الأوهج
برغم إني أنا الأبهج
أبى المنهج
إلا أكون
وحدي حبيس الظل
وحدي أنا في الظل
في الظل

مقدر أقول إنه ظلمني
لكن ظلمني
مقدر أقول لا ما حرمني
إلا حرمني

صحيح كنت أدري بظروفه
ولا تعمد لي الحسوفه
لكن أنا اللي شلت همه
وأصبحت ل حموله كتوفه

وشلون ادل دربٍ يوصلني لإنصافي
وين العدل باني أكون الضافي الخافي
وأنا لعلاته دوا ولا بي الجافي
ولا لقى فيني سوى الصافي الوافي

أنا مجاديفه في يمه
وأنا بعد المهمل الكافي

برغم إني أنا الأوهج
برغم إني أنا الأبهج
أبى المنهج
إلا أكون
وحدي حبيس الظل
وحدي أنا في الظل
في الظل

يا سيدي مليت ليلك
خذني ولو مرة لنهارك
يا سيدي تكفى دخيلك
سري يبي موته جهارك

مليت سرداب المشاعر
ومليت أكون الهام شاعر
ومليت من كثر التفاتك
قبل تهمس لي شفاتك
مليت أنا الحب الكبير
اللي أمانه في الظلام
يا سيدي ما هو كثير
تمسك يدي وسط الزحام

مليت أنا الذل
وزنزانة الظل

لأني دايم الأوهج
لأني دايم الأبهج
وأنا المنهج
أرفض أكون
وحدي حبيس الظل
وحدي أنا في الظل
في الظل